hijabfashion

fashion-hijab styles-Egyptian hijabstyle-abaya-Islamic clothing -Hijab Wedding Dress-bridal hijab , wedding dresses -Muslimah fashion

Monday, May 11, 2009

Tips for the veiled beauty

تقول نانيس سليم
قبل ما تشتري فكري

علشان البنت تشتري طرحة كويسة يبقى لازم قبل ما تنزل تشتري تفكر وتعرف هي ناقصها إيه في الدولاب؟!..علشان كده بقول لكل بنت افتحي دولابك وشوفي عندك كام بادي وكام تي شيرت وكام بنطلون وإيه هي الألوان اللي أنت محتاجة لها، علشان لما تشتري تكون الحاجة اللي هتشتريها مناسبة للون اللبس اللي عندك....كمان لازم يكون في دولابك ألوان أساسية زي الأبيض والبني والرمادي والأسود والبيج لأن الألوان دي بتليق على كل اللبس.كمان لو مش عارفة تجيبي نفس درجة اللون أو الخامة اللي أنت عايزاها يبقى لازم تلفي على أكتر من محل لغاية ما تلاقي اللي أنت عايزاه.
اختاري اللون المناسب لبشرتك

هنتكلم دلوقتي عن إزاي البنت تختار لون الطرح المناسبة للون بشرتها ودي المرحلة التالية بعد ما البنت تحدد اللي محتاجة له.. وفيه حاجة لازم ألفت نظرك إليها، وهي إنك ما تحطيش ماكياج صارخ وأنت نازلة تشتري الطرح علشان تقدري تختاري الطرح المناسبة ليكي، وكفاية إنك تكوني حاطة ماكياج خفيف، كمان حاولي تلبسي ألوان سادة وأنت رايحة تشتري الطرح أو الإيشاربات علشان تقدري تختاري اللي أنت عايزاه، وياريت بعد ما تختاري الخامة واللون اللي أنت عايزاه تحطي الإيشارب على وشك وتقفي قدام مرايات المحل وتشوفي إذا كان اللون مناسب للون بشرتك فعلا ولا لأ؟!
وبصفة خاصة بنلاقي...

إن أصحاب البشرة الخمرية بيليق عليهم الألوان الفاتحة والغامقة والوسط...

لكن البنات أصحاب البشرة البيضاء بيليق عليهم الألوان الغامقة زي الأسود والكحلي والأخضر
والأحمر الغامق والذهبي الغامق... وطبعا مش بيليق عليهم الألوان الفاتحة زي الأبيض أو الأصفر الفاتح أو الرمادي الفاتح نهائي، لأن الألوان دي بتخلي الوش كله يبان كأنه شاحب، علشان كده بنلاقي إن البنات اللي بتلبس إيشاربات ألوانها فاتحة وبشرتها بيضاء بيحتاجوا يحطوا ماكياج كتير علشان بشرتهم ماتبانش مجهدة وشاحبة...

أما البنات أصحاب البشرة السمراء أو الداكنة فالحاجة المناسبة لهم هي الإيشاربات الفاتحة طبعا زي "الموف الفاتح"و"التركواز" و"الفوشيا" و"الأخضر الفاتح" ويفضل طبعا إنهم يحطوا ماكياج خفيف وما يحاولوش يفتحوا لون بشرتهم ويقتنعوا إن البشرة السمراء دي ميزة لأنها مابتعجزش بسرعة وما بيبانش فيها أي تجاعيد بسرعة.
السعر على حسب الخامة
كل خامة في الإيشاربات ولها ثمن محدد ومعروف، يعني مثلا ما ينفعش حد يقول لك إن القطن اللي فيه تطريز بأقل من 50 أو 60 جنيه وعلى فكرة القطن السادة بيبدأ من10 جنيه وبيوصل لغاية 30 جنيه، أما الشيفون فبيبدأ من 20 أو 30 أو 40 جنيه، ده في حالة لو فيه تطريز خفيف مش كتير، أما الطرح المكشكشة فدي بتكون في حدود 15 أو 20 جنيه بالكتير جدا ممكن توصل إلى 25 لو فيها تطريز، كمان التول مش غالي خالص فالمتر سعره حوالي 25 جنيه وسعر الطرحة الواحدة حوالي 5 جنيه، لكن الستان هو اللي بيبقى غالي شوية، هو والحرير. وفيه حرير بيوصل لـ90 أو 120 جنيه، وده ممكن تلاقيه في المحلات الكبيرة والمولات زي "جنينة مول" و"سيتي سنتر" و"سيتي ستارز".
أما بالنسبة للطرح اللي بتتلبس من تحت الطرح فبتكون أرخص بكتير من الإيشارب الأساسي، فممكن البندانة تبقى بـ2 أو 3 جنيه، وفيه حاجات كبيرة شوية بتوصل إلى 6 جنيه، وفيه أشكال كتيرة منها الشكل السوري والتركي والمصري، وعلى فكرة تمن الإيشارب الكبير بيبقى أغلى من البونيهات أو البندانات...
الجديد في عالم الإيشاربات

أحب أقول لكم على حاجة إن مابقاش فيه حاجة اسمها طرحة خامتها جديدة، وطرحة خامتها قديمة، فيه حاجة اسمها طرح عليها شكل جديد أو تطريز جديد، لأن الخامات موجودة في كل الأوقات ومالهاش موضة محددة.
وممكن نقول إن الإيشاربات الستان المنقوشة هي أحدث حاجة نازلة في الإيشاربات، وعلى فكرة الإيشارب الستان ده بينفع لكل المناسبات والأوقات فممكن يتلبس الصبح، أو في السهرة، مش كده وبس ده مابقاش فيه حاجة اسمها إن الستان المنقوش يتلبس على الحاجات السادة فقط لأنه ممكن يتلبس على حاجة منقوشة وبيدي شكل في منتهى الشياكة.
وبالنسبة لألوان الإيشاربات اللي نازلة موضة في صيف 2009 بتلاقي إن التركواز والأصفر والموف الفاتح والأحمر والأخضر والأزرق والبرتقالي وكل الألوان الطبيعية هي الموضة.كمان لازم تجربي الإيشارب على نفسك قبل ما تشتريه وتعرفي هتربطيه إزاي لأن ما ينفعش تختاري الإيشارب من بعيد وتاخديه، لازم تجربيه الأول وتشوفي شكله هيكون عامل إزاي؟! وياريت ما تجيبيش الطرح الكبيرة اللي مش هتعرفي تربطيها، خليكِ في الحجم الطبيعي اللي هو طرح طولها 120 سم وعرضها 40 سم

نصائح للبنت محجبة...

-1-ما تحاوليش تجيبي الطرح الصعبة زي الستان أو المكشكشة أو الحرير أو الطرح اللي فيها تطريز كتير لأن كل ما كانت الطرحة بسيطة وما فيهاش تطريز كتير هتكون أسهل في اللبس، وعلى فكرة القطن مناسب جدا هو والشيفون التقيل أسهل في الربط من أي طرحة تانية.
-2-لو كنت بتشتكي إن الطرحة بتاخد منك وقت طويل في اللبس يبقى ممكن تلبسي بندانة قطن تحت الطرحة وده لأن البندانة هتساعدك إنك تربطي الطرحة بسرعة.كمان خدي بالك إنك لو هتلبسي طرحة شفافة وهتبين شعرك من تحت يبقى المفروض تلبسي تحتها بونيه خفيف أو طرحة تانية قطن أو بندانة علشان تداري شعرك.
-3-أنصح أي بنت لسه هتتحجب أو تلبس إيشارب جديد إنها تاخد بالها من لبسها لأن اللبس عليه عامل مهم جدا في اختيار الإيشارب، فمينفعش تلبسي ضيق من تحت وتكوني محجبة لأن بكده هتكوني منتقدة أوي، وياريت قبل ماتتحجبي تظبطي لبسك وتجيبي هدوم واسعة مناسبة للحجاب.
-4-اوعي تلبسي طرح فيها تطريز وحاجات بتلمع كتير وأنت رايحة الجامعة أو الشغل الصبح، لأن ده شيء مرفوض تماما ومش مناسب للجامعة أو للشغل وبيقلل من شياكتك.
-5-دلوقتي انتشرت الإسدالات السوداء. بصراحة أنا مش بفضل شكلها لأنها مابتديش شياكة، بالإضافة إلى إن الإسدال بيترب من الأطراف بسرعة. علشان كده بانصح البنات اللي عايزين يلبسوا لبس إسلامي واسع إنهم يلبسوا عبايات واسعة يكون فيها نفس مواصفات الإسدال، يعني ما تكونش ضيقة من عند الصدر أو الوسط ومش قصيرة، وأنا بفضل العبايات السعودية اللي شكل الفراشة لأنها بتكون ممسوكة من عند الأكمام وبتكون واسعة من عند الإيد.

-6-لو كان وشك صغير ومش عارفة تربطي الطرحة إزاي؟! فقدامك أكتر من حل علشان وشك يبان من الطرحة...
أولا: ممكن تروحي عند أي مركز تجميل متخصص علشان يعمل لك عملية إزالة للشعر الموجود في منطقة القورة بالفتلة أو بالتشقير بحيث إن منطقة الجبهة تكبر شوية.
ثانيا: حطي ماكياج خفيف بحيث يفتح منطقة الجبهة.
ثالثا: ماتجيبيش طرح كبيرة لأن كل ما كانت الطرحة متوسطة الطول أو صغيرة شوية هتخلي وشك طبيعي، وياريت تلبسي طرح فاتحة علشان تكبر منطقة الوش شوية.
رابعا: حاولي تبعدي في اختيارك عن الطرح الخفيفة اللي بتتزحلق زي الستان والحرير والشيفون الخفيف خصوصا لو كنت هتلبسيهم من غير بندانة.
خامسا: ممكن تربطي الطرحة بالطريقة العادية أو تعمليها إسبانش، بس في الوقت ده بتبقى البندانة من تحت وتربطي الإيشارب من ورا بدبوس، وبعد كده بتلفي الإيشارب من وراء حوالين شعرك زي الشينيو أكتر من مرة علشان كل ما كانت الطرحة كبيرة من وراء وشكلها ضخم هتدي شياكة وأناقة وشكل حلو للبنت اللي وشها صغير وبيكون شكلها زي الإسبان.
-7-لكن لو كان وشك كبير يبقى خدي بالك من شوية الحاجات دي وأنت بتلفي الطرحة...
أولا: إن الطرح الإسبانش اللي جاية لوراء مش مناسبة ليك نهائي، وأفضل لفة ليكي هي اللفة العادية أو إنك تعمليها إسبانش وتجيبي طرف من الطرحة للأمام علشان تداري الرقبة أو الغدد اللي بتكون موجودة تحت الرقبة، ودي حاجة بتشتكي منها بنات كتير.
ثانيا: حاولي تصغري وشك باستخدام الماكياج زي مثلا إنك تستخدمي الروجاجو البيج الغامق علشان تحاولي تصغري وشك شوية.
ثالثا: ياريت تختاري طرح سادة أو يكون طرفها هو اللي منقوش أو فيها تطريز بسيط وابعدي نهائي عن الطرح اللي فيها نقوش كبيرة واللي فيها تطريز كتير لأن كل ده بيشد النظر إلى وشك وبيبين حجمه.-----------------------------------------------
خبيرة الماكياج وربطات الحجاب منى المسيري:
ماذا عن جديد ألوان الحجاب

تتماشى مع موضة ألوان الثياب عموماً، ولكن الأصل في التنسيق بينها وليس توحيدها مع الأزياء. من أبرز ألوان هذا العام: التوركواز، الفوشيا، الزيتي، درجات البني، النحاسي، البرتقالي، الأحمر، بالإضافة إلى تداخل الأبيض مع الأخضر والذهبي مع الأحمر.
ماذا عن جديد ألوان حجاب العروس؟

وداعاً للأبيض، طغى البيج الفاتح على الطرحة البيضاء مع الفستان الأبيض، يمكن إدخال اللون الزهري والتوركواز بحسب تصميم الفستان ولونه.
ماذا عن خامات الحجاب الجديدة للفتاة؟

الحرير الإصطناعي والطبيعي والشيفون.
هل يدخل التطريز في الحجاب هذا الموسم؟
عاد التطريز بالخرز الصغير والكبير والـ{سِرما» إلى موضة أزياء خريف وشتاء 2008 - 2009 ما أثر في تصميم الحجاب، يفضل أن يتكوّن من قماش مرسل بلا تطريز أو رسوم، ويمكن إضافة الأكسسوار المناسب له وللأزياء أيضاً.
إذاً ما جديد أكسسوار المحجبة؟

الورد الاصطناعي في البروشات، عقود اللولؤ الصغيرة والطويلة.
بالنسبة إلى العروس ما جديد أكسسوار حجابها؟
عادت موضة التيجان الصغيرة على الحجاب، يفصّل أن تناسب أشكالها تطريز فستان العروس، وتُضاف إلى الطرحة الأساسية مع التُل الطبيعي.
كيف تختار الفتاة الربطة الملائمة لها؟

يتوقف ذلك على شكل الوجه، بالنسبة إلى الوجه الطويل يفضل ارتفاع طبقة الحجاب من أعلى مع تداخل في الألوان، أما الوجه المستدير فيناسبه ربطات الإسبانيش، وأنصح صاحبة الوجه المستطيل بتكثيف حجم الطرح أسفل الوجه لتعطي تناسقاً للوجه.
وماذا عن الألوان؟

تتوقف على عاملين: لون البشرة، وما إذا كانت المرأة تضع ماكياجاً مع الحجاب أم لا، في حال عدم وضع الماكياج تختار الألوان التي تناسب لون بشرتها، وفي حال وضعه يفضل أن يلائم لون الحجاب.
ما هي موضة ألوان الماكياج هذا الموسم؟
البنفسجي، البني، الأخضر الداكن والألوان القوية والتي تتميز بالجرأة. أما العروس فلها موضتها الخاصة، أنصحها بعدم البحث عن الغريب وغير المألوف إنما مراعاة ما يبرز جمالها وتألقها بعيداً عن الأسلوب الملائكية.

بِمَ تنصحين الفتاة في ماكياجها وبشرتها وهي على أعتاب موسم جديد؟

في موسم الصيف تفرز البشرة مادة دهنية على الوجه بالإضافة إلى تغير لون البشرة بفعل أشعة الشمس، أما في موسم الشتاء تكون البشرة جافة وتعود إلى لونها الطبيعي، لذا أنصح الفتاة بتغيير أدوات ماكياجها وتجديد ألوانها مع ما يتناسب وبشرتها، أفضل أن تستخدم كريم أساس سائلاً ولامعاً «كريمي». كذلك يجب الحرص على وضع الكريمات الليلية على الوجه وكامل الجسم لاستعادة اللون الأصلي للبشرة.
-------------------------------------------------------
نصائح لشعر صحي تحت الحجاب(للمحجبات فقط)
شعري يتساقط بسبب الحجاب» لا شك أن هذه العبارة شائعة ومتداولة بين السيدات المحجبات على اختلاف مجتمعاتهن، ولكنها عارية من الصحة،
ة هذه الفكرةخاطئة: الحجاب هو حماية للشعر من العوامل الخارجية وليس العكس.
.أسباب عامة لتساقط الشعر
هناك أسباب لتساقط الشعر منتشرة بين المحجبات ليس لها علاقة بالحجاب ومنها
:عدم توازن الهورمونات ونقص الفيتامينات.
تناول بعض العلاجات من المضادات الحيوية لفترة طويلة
.فقر الدم ونقص نسبة الحديد فيه
.استخدام حبوب منع الحمل
.الحمية غير المتوازنة وغير المدروسة
.القشرة وعدم علاجها.الجفاف الشديد للبشرة
.ضعف الدورة الدموية.العمليات الجراحية والتغذية العامة
.إستخدام المواد الكيماوية بطريقة خاطئة.شد الشعر واستخدام اللفّات الخاطئة.وضع الحجاب بطريقة خاطئة
.أساليب خاصة للعناية بشعر المحجبات
يجب تسريح الشعر باتجاه مريح قبل وضع الحجاب مع عدم شدّه لأن ذلك يؤذي فروة الرأس
.عدم التعرّض بشكل مباشر لأشعة الشمس القوية اعتماداً على مقولة «الشمس مفيدة للشعر» فهذه مقولة خاطئة
.معالجة القشرة أمرضروري لأنها أكبر عدو للشعر.
إستخدام الفيتامينات الخاصة بالشعرلا سيما الزنك.يجب قصّ أطراف الشعر مرة كل شهر لتقوية البصيلة
.تدليك فروة الرأس بالأصابع العشرة لتقوية الدورة الدموية.
إستخدام أقنعة تناسب نوع الشعر على الأقل مرة كل أسبوع.
الإبتعاد قدر الإمكان عن أسباب القلق والتوتر.
عدم استخدام الكريمات والزيوت والشامبوهات غير المناسبة لنوعية الشعر
.تسريح الشعر بشكل عكسي مرتين يومياً لتنشيطه
.تنصــح خبيرة التجميــل سـلوى يوســـف المحجبــات
بتناول الأطعمة الآتية لتغذية الشعر وتقوية البصيلات:كميات كبيرة من البروتينات مثل الأسماك، اللحوم، البيض، الدجاج.الفاكهة الطازجة.الخضراوات.مقدار معقول من المواد الدهنية.مقدار قليل من السكريات والنشويات.إذا كان شعرك دهنياً فقلّلي من تناول الدهون والمقالي.تناول الفيتامينات a,b,c,d المقوية لصحة الشعر و لمعانه والموجودة في الفجل والبصل والجزر والملفوف والسبانخ وزيت كبد الحوت والثوم وخميرة البيرة.اليود مادة ضرورية لنمو الشعر وللغدد الدرقية ويمكنك الحصول عليها من خلال تناول الثوم والنباتات البحرية.التوازن في الغذاء مع الإكثار من تناول العسل والحليب
.أقنعة مفيدة لشعر المحجبات
-------------------------------
قبل وضع الأقنعة على أي نوع من أنواع الشعر يجب أن يغسل الشعر جيداً بالشامبو وذلك لتفتيح مسام
فروة الرأس وزيادة استفادته من القناع الموضوع عليه، وسوف نتناولها على حسب طبيعة كل نوع
--------------------------------------
أقنعة الشعر الجاف
------------------------
:قناع التغذية: أضيفي ملعقة كبيرة من زيت الزيتون إلى صفار ثــــــــلاث بيضات، ثم ضعي هذا الخليط على الشعر لمدة نصف ساعة قبل غسله جيداً
.قناع اللمعان: أخلطي صفار بيضة مع قليل من عصير الليمون و الشاي السائل مع ملعقتين من اللبن الرائب وبعض أوراق النعناع المغلية مع ملعقة من البن العربي، ثم يوضع هذا الخليط على الشعر لمدة 20 دقيقة قبل شطفه جيداً
.قناع العلاج: أفركي فروة الرأس بزيــت الزيتـــــون أو زيـــت اللــوز الحلو، ثـم اتركيه لمدة ساعة قبل غسله
--------------------------------------
الشعر الدهني:
---------------------
قناع التقوية: أفركي فروة الرأس بصفاربيضتين واتركيه لمدة ساعة قبل غسله.
قناع اللمعان: أخلطي بياض بيضة مع قليل من عصير الليمون والشاي السائل، ثم أضيفي ملعقتين من اللبن الرائب وأوراق النعناع المغلية وملعقة من البن العربي، ثم أضيفي هذا الخليط على الشعر لمدة 20 دقيقة ثم اشطفيه.
قناع العلاج: يعتبر عصير الليمون مفيداً جداً للتخلّص من الدهون الزائدة. لذا، ضعيه على فروة الرأس لمدة 20 دقيقة ثم اشطفيه
--------------------------------------------
.أقنعة الشعر الطبيعي
-----------------------
قناع البابونج:
ضعي أوراق البابونج مع أوراق القراص في ليتر من الماء، ثم طبّقي هذا الخليط على فروة الرأس واتركيه لمدة ساعتين قبل غسله.
وصفة طبيعية لمعالجة تساقط الشعر
: إغلي ورق الخبيزة (يتوفّر عند العطار)، ثم ضعي هذا الخليط على الأماكن الأكثر تساقطاً مرتين يومياً مع الفرك الجيد.
قناع لعلاج القشرة
: يمزج خل التفاح بالماء ويضاف إليه بعض الملح الناعم، ثم يغمس المشط في الخليط الذي تم إعداده ويسرّح به الشعر مرتين أو ثلاث مرات في اليوم.
، للحفاظ على نعومة شعرك
: إغلي كمية من ورق الغار واشطفي بها شعرك بعد الحمام، لمنحه نعومة وقوة.

















3 Comments:

At June 27, 2009 at 10:36 AM , Blogger مدونة مصطفى العقاد said...

This comment has been removed by the author.

 
At June 27, 2009 at 10:37 AM , Blogger مدونة مصطفى العقاد said...

أتمنى عمل تبادل اعلاني مع مدونتكم
moba2020@yahoo.com

www.rasma-ar.blogspot.com

جل شكرا

 
At July 6, 2015 at 1:43 PM , Blogger بسمة الرياض said...


شركة بسمة الرياض
اليكم الان افضل عروض وخدمات شركة بسمة الرياض فهى شركة تنظيف بالرياض متخصصة حيث تقدم لك الخدمة بأفضل الاسعار ومن خلال افضل العمالة المدربة وعلى اعلى مستوى من الخدمة
شركة تنظيف بالرياض

 

Post a Comment

Subscribe to Post Comments [Atom]

<< Home